Saturday, February 23, 2019

Gully Boy


Toh kya bolta hain Bantai? Toh kaise lagi movie?

Kya abhi tak dekhi nahi, review ka intezaar kar rahele the. Pehle bolne ka tha na.

Sirf tum log ke liye yeh review. Phir batane ka haan, picture dekhi ke nahi aur kaise lagi.

Yeh review bhi hindi main hoga apne panter ke tarah. Kya hain apne bhai log aur unki bhene ko bhi samaj main aana chaiye na.

Yeh kahani hain apne Murad (Ranveer Singh ) Bhai ki. Bolne ke liye college ka londa hain. Par apne haal ka bayan kya kare. Abba (Vijay Raaz) jo ke ek driver ka kaam karte hain, jawan beta ko chod ke khud hi dusre shaadi kar aate hain.

Ek toh dharavi ka chawl aur us chote se ghar main badtee abadi. Us waqt sirf NAS rapper ke gaane aur kavita likhne ka shauk uske chupe dard ko rahat deti the.

Bhai ke dost bhi the Moeen (Vijay Verma) aur Salmaan (Nakul Sachdeva) jinke saath woh TP (timepass) karta tha.

Par apna bhai bhi kuch kum nahi. Uski ek girlfriend bhi thi. Woh bhi school time bole toh ek dum long term relationship. Naam uska Safeena (Alia Bhatt). Par kiski afat se kam nahi. Bana hain use surgeon. Dimag ka shot kiya toh sirf hi phod deti hain. isse bachke rahena kyuki woh aati hain "handle with care" ke saath.

Dil ke kashmakash chali rahi the, ke Abba apne tang tudwa bhete aur bheja apne Murad bhai ko apni jagah naukri. Driver ka beta driver hi hoga kya? 

Par apne bhai ka time anne wala tha. College ke festival main usko mila MC Sher (Siddhant Chaturvedi) jiske sangat ne bhai ke life ich badal dali. Bole to ek gaana nikala "Mere Gully Main" suna toh hoga. Uske baad kya peeche mudke bhi nahi dekha.

Par taqdeer toh apne paate bheecha rahi the. Apne abu ka ghar chod diya toh khane ke lale ho gaye. Ateeq Mamu (Vijay Maurya) ke yaha naurki kar li. Ab ghar sambale yea apna junoon, kaise yeh majboori hain.

Kya lagta hain apna bhai kya karega. Aur toh aur apne NAS bhai bhi Mumbai aa rahe the jiske show main perform karne ka chance bhi milega. Par kya yeh ho payega?

Yeh jaane ke liye toh picture dekhne padegi na, haan bacchi.

Iske gaane bhi kamal hain, Aur apne India ke rappers bhi apna kirdar nibha the hain. 

Picture ki direction, script aur dialogue baazi ek number hain. iske cinematography ek dum awaal hain, Jay Oza ka naam bolna zaroori hain.

Picture ekdum hard hain. Bole toh itne level pe connect hota hain ke kiya bolu. Zoya Akhtar aap toh chaa gaye. Har ek kirdaar ko  screen time diya hain aur sab ek se ek ubhar ke aate hain.

Chaiye woh Vjiay Raaz, Vijay Verma, Siddhant Chaturvedi, Amruta Subhash aur baki, bas fad dala.

Ranveer aur Alia toh picture ke sitare hain jinke bagair uske chamak ojhal ho jayegee. 

Yeh picture apne Divine aur Naezy rapper bhai ki zindagi se prabhavit hain.

Yeh picture toh dekhna banta hain. 

Ek dum hard!!

P.S.: Could not post earlier, was not keeping well :(










No comments:

Post a Comment